Three Love Stories: Sweet Letter

Previously…

“Napatingin ako sa kanya at biglang may parang kumurot sa puso ko. Na-mimiss ko siya kahit malapit lang naman siya… Para bang gusto kong siyang yakapin.”

 

Celebration ng Valentine’s Day sa school, Feb. 12. Dapat sana bukas kasi Friday, Feb. 13. Kaya lang walang pasok kasi Teacher’s Day daw. Siguro makikipag-date ang mga teachers namin kaya ganun.

Di pa rin ako makapaniwala sa sarili ko. Di ko alam kung anong nangyayari sa akin at nag-iba bigla ang tingin ko kay Z. No, hindi pwedeng in-love ako sa kanya. Bata pa ako para sa mga ganun. Isa pa, kaibigan ko siya, bawal pag kaibigan. Di talo.

Medyo late na ako dumating sa school. Dala ko ang mga mini chocolate heart cakes na binili ko para sa dalawa kong kaibigang babae. Hindi ko binilhan ng regalo si Z. Kahit naman kasi magkasama kami nanood ng sine noong nakaraan, tumupad lang naman ako sa usapan. Asar pa rin ako sa kanya. Puro na lang kasi yung galit niya dun sa dalawa naming kaklase ang inaatupag niya. Di na lang sila magsuntukan nang matapos na. Sigurado ako, baka bumili pa ang Z na yun ng bulaklak para kay Anna, yung babaeng nililigawan nung kaaway niya. Balak niya kasi talaga bwisitin ang mga kaaway niya kaya ayaw niya tantanan.

Pagpasok ko sa classroom, halos lahat sila ay paalis na at papunta sa labas. General assembly kasi. Pero, may iilan pa rin namang natira. Si Z at ilang mga kaklase naming babae. Narinig ko pa nga na sabi nung isa, “Andyan na siya oh”.

Umupo ako sa lapag sa harap ng aking upuan. Lumapit si Z habang abala akong inaayos ang aking mga gamit. Di ko siya tiningala. Baka mang-aasar lang naman kasi siya o kaya naman ay magpapatulong sa pambubuwisit na ginagawa niya sa mga kaaway niya. Kaso, mali ako.

“Jane, para sa’yo oh. Pagpasensyahan mo na ha…” marahang sabi ni Z sabay abot ng isang greeting card.

Natigilan ako. Aktong bubuksan at babasahin ko na ang card  nang idagdag niya na wag daw muna. Baka may makakita. Tapos bumalik na siya sa kanyang upuan at inilabas ang isang balot ng heart candies. Kinulit siya ng mga kaklase namin na nanghihingi. Nang mabuksan, tinawag niya ako at hinagisan ng isang piraso, sabay ngiti. Nginitian ko rin siya bilang pasasalamat.

Nauna ako lumabas kay Z ng classroom dala-dala ang English book kung saan ko isiniksik ang card na bigay niya. Matapos ang Lupang Hinirang at kung anu-anong panunumpa, saka lang kami nakaupo. Doon nagkaron ako ng pagkakataon na lihim na basahin ang card na bigay ni Z. Tinignan ko ng mabuti ang cover.

Isang Valentine card na may rosas sa harapan. Nakasulat din sa itaas na bahagi ang “To my Valentine with all my heart”. Nagsalubong ang mga kilay ko sa nabasang mga salita. Naisip ko, baka naman binigay niya sa akin ito para iabot ko kay Anna. Ano ba naman yan… sa loob-loob ko. Akala ko pa naman para sa akin na.

Gayunpaman, nanaig pa rin ang pagiging curious ko. Wala naman kasing sobre yung card kaya binuklat ko siya at sinimulang basahin. At yun, di ko na alam kung ano na talaga ang nangyari sa akin. Mistulang halo-halo ang lahat ng aking nararamdaman. Gulat, pagtataka, kilig at kung anu-ano pa. Sino ba naman kasi ang hindi makakaramdam nang ganun kung ganito ang nakasulat sa card…

Jane,

Happiness…

is when a wish comes true

… like being with you

<heart>, Z

 

Ilang beses ko pa binasa ulit ang card at tuwing matapos ko basahin ay talaga namang natutulala at napapaisip ako. Bakit niya ako binigyan nito? Ano ito, joke? Tumingin ako sa direksyon niya at nahuli kong pinapanood niya ako. Marahil ay alam niyang nagtataka ako. Gusto ko ng sagot sa mga tanong pero ngiti lang mula sa kanya ang nakuha ko.

 

To be continued…

1 Response to “Three Love Stories: Sweet Letter”


  1. 1 sorting hat July 30, 2009 at 6:15 am

    a movie and a letter…the makings of sweet music…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




July 2009
S M T W T F S
« Jun   Aug »
 1234
567891011
12131415161718
19202122232425
262728293031  
Follow Her MALDITA-ness on WordPress.com

Enter your email address to subscribe to this blog and receive notifications of new posts by email.

Join 148 other followers

Want more?

Archives

Follow Me

add me on facebook
ask me on formspring
follow me on twitter

My Tweets

Sali Na! Join the Pinoy Wordpress Bloggers Community!

Who is Reading This

Where are you from

Blog Stats

  • 300,902 hits

Vital Statistics

readers online


My blog is worth $14,678.04.
How much is your blog worth?